ELABORACIÓN BASE:
Trituramos nunha batedora de vaso ou unha picadora todos os ingredientes secos. Engadimos o aceite de coco e volvemos a triturar. Por último engadimos o leite de soia aos poucos ata conseguir a textura adecuada: a masa resultante ten que estar suficientemente húmida para compactarse ao apertala. Con esta masa cubrimos o fondo dun molde ou aro de empratar de 12 cm de diámetro, presionando co dorso dunha culler para que quede ben lisa. Reservamos na neveira.
ELABORACIÓN RECHEO:
Poñemos o tofu a escorrer.
Separamos unha tacita de leite de coco e diluímos nela o amidón de millo e o agar. Poñémolo co resto do leite de coco nun cazo, e levámolo a lume medio ata que comece a ferver. Mantemos un fervor suave durante 5 minutos aproximadamente.
Poñemos nun recipiente o tofu, o leite de coco fervida, o zume de limón e o azucre e batemos o conxunto ata obter unha crema sedosa e sen grumos. Vertemos esta mestura no molde e refrixeramos un mínimo de 2 horas.
Pasado o tempo de arrefriado, desmoldamos coidadosamente e decorámola con marmelada ou as froitas que máis nos gusten.
